ಸಂಭ್ರಮಿಸುವ ಗೆಳೆಯರಿದ್ದರೆ ಗೆಲುವಿನ ಆನಂದ ನೂರು ಪಟ್ಟು.

“ಸೆರೆಂಡಿಪಿಟಿ” ಗೆ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಬಂದಿದೆ. ಇದು ಸಂತಸಕ್ಕಿಂತ ಹೆಚ್ಚಾಗಿ ಅಚ್ಚರಿಯ ವಿಷಯ; ಖಂಡಿತ ಊಹಿಸಿರಲಿಲ್ಲ. ಬಹಳ ಮಂದಿಗೆ ಆಭಾರಿಯಾಗುವುದಿದೆ.

ವಿದ್ಯಾರ್ಥಿ ಹಂತದಲ್ಲಿ ಕರ್ನಾಟಕ ರಾಜ್ಯ ವಿಜ್ಞಾನ ಪರಿಷತ್ತಿನಿಂದ ಬಹುಮಾನ ಪಡೆದಿದ್ದರೂ, ಆನಂತರ ಸುಮಾರು 14 ವರ್ಷಗಳ ಕಾಲ ಬರವಣಿಗೆಯನ್ನು ನಿಲ್ಲಿಸಿದ್ದ ನನ್ನನ್ನು ಮತ್ತೆ ಬರವಣಿಗೆಯತ್ತ ಪ್ರೇರೇಪಿಸಿದ ಮಿತ್ರ ಡಾ. Dayananda Lingegowda ಅವರಿಗೆ.

ಅದೂ, ಇದೂ ಬರೆದುಕೊಂಡು ಕಾಲ ಹಾಕುತ್ತಿದ್ದ ನನ್ನನ್ನು ಶಿಸ್ತಿನಿಂದ ಬರೆಯಲು ಪ್ರೇರೇಪಿಸಿದ, ಮೊದಲ ಬಾರಿಗೆ ನನ್ನಿಂದ ಪುಸ್ತಕವನ್ನು ಬರೆಯಿಸಿ ಪ್ರಕಟಿಸಿದ Nagesh Hegde ಅವರಿಗೆ.

ಬರೆಯುವ ಕಿಡಿ ಆರದಂತೆ ನಿರಂತರವಾಗಿ ವಿಷಯಗಳನ್ನು ನೀಡುತ್ತಾ ಬರೆಯಿಸಿ ಪ್ರೋತ್ಸಾಹಿಸುತ್ತಲೇ ಹೋದ Thalagunda Anantharamu , Srinidhi TG , Suryaprakash Pandit ಅವರಿಗೆ.

ಸರಣಿ ಲೇಖನಗಳಿಗೆ ವಸ್ತುವನ್ನು ಸೂಚಿಸಿ, ಬರೆಯಿಸಿ, ಪ್ರಕಟಿಸಿದ Rohith Chakrathirtha ಅವರಿಗೆ.

ಸೆರೆಂಡಿಪಿಟಿ ಪುಸ್ತಕದ ನಿರ್ಮಾಣಕ್ಕೆ ಮೂಲ ಕಾರಣರಾದ Kollegala Sharma ಅವರಿಗೆ

ಸೆರೆಂಡಿಪಿಟಿ ಪುಸ್ತಕವನ್ನು ಆದ್ಯಂತ ಓದಿ, ಅದನ್ನು ಪರಿಷ್ಕರಿಸಿದ ಮಿತ್ರ Sudhiiyr Prabhu ಅವರಿಗೆ

ಅಂತರ್ಜಾಲದಲ್ಲಿ ಅಡಗಿಕೊಂಡಿದ್ದ ಪುಸ್ತಕವನ್ನು ಗುರುತಿಸಿ, ಅದರ ಬಗ್ಗೆ ಲೇಖನ ಬರೆದು, ಸಾವಿರಾರು ಜನರನ್ನು ತಲುಪುವಂತೆ ಮಾಡಿದ, ಪುಸ್ತಕಕ್ಕೆ ಚಂದದ ಮುನ್ನುಡಿ ಬರೆದುಕೊಟ್ಟ Srivathsa Joshi ಅವರಿಗೆ

ಇ-ಪುಸ್ತಕ ಮಾಡಿ ಸುಮ್ಮನಿದ್ದ ನನ್ನನ್ನು ಹುರಿದುಂಬಿಸಿ, ತಾವೇ ಎಲ್ಲ ಹೊಣೆಗಾರಿಕೆ ವಹಿಸಿಕೊಂಡು ಸೆರೆಂಡಿಪಿಟಿಯನ್ನು ಮುದ್ರಿತ ರೂಪದಲ್ಲಿ ತಂದ Omshivaprakash H L ಅವರಿಗೆ

ಪುಸ್ತಕವನ್ನು ಓದಿ, ಮೆಚ್ಚಿ, ಪ್ರೋತ್ಸಾಹಿಸಿ, ಅನೇಕರಿಗೆ ತಲುಪಿಸಿದ Someswara Narappa , Udaya Shankar Puranika ಅವರಿಗೆ

ಪುಸ್ತಕಕ್ಕೆ ಲಭಿಸಿದ ಮಾನ್ಯತೆಯನ್ನು ತಮ್ಮ ಸ್ವಂತ ಗೆಲುವಿನಷ್ಟು ಸಂಭ್ರಮಿಸಿ ಹರ್ಷ ವ್ಯಕ್ತಪಡಿಸುತ್ತಿರುವ ಅಸಂಖ್ಯಾತ ಮಿತ್ರರಿಗೆ.

ಕೃತಜ್ಞತೆಗಳನ್ನು ಅರ್ಪಿಸುವ ಈ ಪಟ್ಟಿಗೆ ಅಂತ್ಯವೇ ಇಲ್ಲ ಎಂದು ಮನಸ್ಸಿಗೆ ಅನಿಸುವಂತೆ ಮಾಡಿದ ಎಲ್ಲ ಸಹೃದಯರಿಗೆ.

ಸದಾ ಆಭಾರಿ.

ಧನ್ಯವಾದಗಳು.

“ಸೆರೆಂಡಿಪಿಟಿ” ಮುದ್ರಿತ ಪುಸ್ತಕವನ್ನು ಖರೀದಿಸಲು ಈ ಲಿಂಕ್ ಬಳಸಿ: https://amzn.to/3qRSLuN

“ಸೆರೆಂಡಿಪಿಟಿ” ಇ-ಪುಸ್ತಕವನ್ನು ಉಚಿತವಾಗಿ download ಮಾಡಿಕೊಳ್ಳಲು ಈ ಲಿಂಕ್ ಬಳಸಿ: https://play.google.com/store/books/details?id=ji84EAAAQBAJ